ကမ္ဘာ့ပထမဆုံး စီးပွားရေးလုပ်ငန်းသုံး နျူကလီးယားစွမ်းအင်သုံး ဂြိုဟ်တုကို SpaceX ရော့ကက်နဲ့ အောင်မြင်စွာ လွှတ်တင်

<p>အာကာသ နည်းပညာ သမိုင်းမှာ မှတ်တိုင်သစ်တစ်ခု စိုက်ထူနိုင်ခဲ့ပြီဖြစ်ပါတယ်။ အမေရိကန် ဖလော်ရီဒါအခြေစိုက် City Labs ကုမ္ပဏီဟာ</p>

အာကာသ နည်းပညာ သမိုင်းမှာ မှတ်တိုင်သစ်တစ်ခု စိုက်ထူနိုင်ခဲ့ပြီဖြစ်ပါတယ်။ အမေရိကန် ဖလော်ရီဒါအခြေစိုက် City Labs ကုမ္ပဏီဟာ ကမ္ဘာ့ပထမဆုံး စီးပွားရေးလုပ်ငန်းသုံး နျူကလီးယားစွမ်းအင်သုံး BOHR CubeSat ဂြိုဟ်တုကို SpaceX Falcon 9 ရော့ကက်နဲ့အတူ အာကာသထဲ အောင်မြင်စွာ လွှတ်တင်နိုင်ခဲ့တာပါ။ အဲဒီဂြိုဟ်တုမှာ Tritium ဓာတ်ရောင်ခြည် ပျက်စီးယိုယွင်းမှုကနေ စွမ်းအင် ထုတ်ယူတဲ့ သေးငယ်တဲ့ နျူကလီးယား ဘက်ထရီ စနစ်ကို တပ်ဆင်ထားတာဖြစ်လို့ သာမန် ဘက်ထရီတွေနဲ့ မတူဘဲ နေရောင်ခြည် မရရင်တောင် နှစ်ပေါင်းများစွာ သက်တမ်းရှည်ရှည် လျှပ်စစ်ဓာတ်အား ပေးနိုင်မှာ ဖြစ်ပါတယ်။

အခု လွှတ်တင်မှုကို SpaceX ရဲ့ Transporter-17 မစ်ရှင်နဲ့အတူ ပတ်လမ်းကြောင်းထဲမှာ သွားရောက် စမ်းသပ်ခဲ့တာပါ။ အနာဂတ်မှာ နေရောင်ခြည် ရရှိဖို့ ခက်ခဲတဲ့ အာကာသနက်နက်ပိုင်း ကာလရှည် မစ်ရှင်တွေ၊ အာကာသယာဉ်တွေနဲ့ တိုင်းတာရေး ကိရိယာတွေအတွက် ဒီအသေးစား နျူကလီးယား ဘက်ထရီ နည်းပညာဟာ အဓိက စွမ်းအင်အရင်းအမြစ် အဖြစ် အရေးပါတဲ့ အခန်းကဏ္ဍကနေ ကူညီပေးနိုင်မယ်လို့ သုတေသီတွေက ဆိုထားပါတယ်။

လူတွေ စိုးရိမ်သလို ဒီဂြိုဟ်တုဟာ နျူကလီးယား ဓာတ်ပေါင်းဖို သို့မဟုတ် နျူကလီးယား လက်နက်တွေကို သယ်ဆောင်ထားတာမျိုး လုံးဝ မဟုတ်ပါဘူး။ အာကာသ သုတေသန လုပ်ငန်းတွေမှာ စိတ်ချလက်ချ သုံးနိုင်မယ့် ဘေးကင်းပြီး သေးငယ်တဲ့ နျူကလီးယား ဘက်ထရီ စွမ်းဆောင်ရည်ကို စမ်းသပ်တာ ဖြစ်ပါတယ်။ အခုလို ပတ်လမ်းကြောင်းအတွင်း ပထမဆုံး အောင်မြင်စွာ လွှတ်တင်နိုင်ခဲ့တာကြောင့် အနာဂတ် အာကာသ စူးစမ်းလေ့လာရေး နည်းပညာတွေအတွက် လမ်းကြောင်းသစ်တစ်ခုကို တံခါးဖွင့်ပေးလိုက်ပြီ ဖြစ်ပါတယ်။

Ref : Technology Innovation