အမြင့်ပေ ၁၀၀,၀၀၀ ရှိတဲ့ အာကာသကနေ လွှတ်ချလိုက်တဲ့ iPhone 17 Pro ဘာမှမဖြစ်ဘဲ ဂင်းနစ် ကမ္ဘာ့စံချိန်တင်
<p>ကမ္ဘာ့လေထုအပြင်ဘက် စထရာတိုစဖီးယားအလွှာ (အာကာသ) အမြင့်ပေ တစ်သိန်းကျော်ကနေ ပြုတ်ကျလာတဲ့ စမတ်ဖုန်းတစ်လုံး အကောင်းပကတိ အလုပ်လုပ်နေဆဲဖြစ်တယ်ဆိုရင် သင်ယုံပါ့မလား။</p>
ကမ္ဘာ့လေထုအပြင်ဘက် စထရာတိုစဖီးယားအလွှာ (အာကာသ) အမြင့်ပေ တစ်သိန်းကျော်ကနေ ပြုတ်ကျလာတဲ့ စမတ်ဖုန်းတစ်လုံး အကောင်းပကတိ အလုပ်လုပ်နေဆဲဖြစ်တယ်ဆိုရင် သင်ယုံပါ့မလား။
၂၀၂၆ ခုနှစ် ဇွန်လ ၂၄ ရက်နေ့က ဆွီဒင်နိုင်ငံမှာ RHINOSHIELD ရဲ့ AirX ဖုန်းကာဗာ တပ်ဆင်ထားတဲ့ iPhone 17 Pro တစ်လုံးကို အမြင့်ပေ ၁၀၀,၄၁၈ (မီတာ ၃၀,၆၀၇) ကနေ မြေပြင်ကို ပစ်ချစမ်းသပ်ခဲ့ပါတယ်။
အဲဒီဖုန်းကို လေပူဖောင်းနဲ့ သယ်ဆောင်သွားခဲ့တာဖြစ်ပြီး လေထီး ဒါမှမဟုတ် တခြားအကာအကွယ်တွေ လုံးဝမပါဘဲ အာကာသအစွန်းကနေ မြေပြင်ဆီကို လွတ်လပ်စွာ ပြုတ်ကျစေခဲ့တာ ဖြစ်ပါတယ်။
ဒီလို ပြုတ်ကျလာတဲ့ ၂၅ မိနစ်စာ အချိန်အတွင်းမှာ ဖုန်းလေးဟာ ကြောက်မက်ဖွယ်ကောင်းတဲ့ အခြေအနေတွေနဲ့ ရင်ဆိုင်ခဲ့ရပါတယ်။ အနှုတ် ၄၀ ဒီဂရီ စင်တီဂရိတ်ကနေ အနှုတ် ၆၀ ဒီဂရီ စင်တီဂရိတ်အထိ အေးခဲနေတဲ့ အပူချိန်တွေနဲ့ ပင်လယ်ရေမျက်နှာပြင် ဖိအားရဲ့ ၁ ရာခိုင်နှုန်းလောက်သာရှိတဲ့ ပြင်းထန်တဲ့ လေထုဖိအားဒဏ်တွေကို ကြံ့ကြံ့ခံခဲ့ရတာပါ။
ဂင်းနစ်ကမ္ဘာ့မှတ်တမ်းရဲ့ တင်းကျပ်တဲ့ စည်းမျဉ်းတွေအရ ဖုန်းကာဗာဟာ မြေပြင်နဲ့ တိုက်ရိုက် ကြမ်းကြမ်းတမ်းတမ်း ထိတွေ့ခဲ့ရတာ ဖြစ်ပါတယ်။
ဆွီဒင်နိုင်ငံရဲ့ လူသူကင်းမဲ့တဲ့ တောအုပ်ထဲကို ပြုတ်ကျသွားတဲ့ အဲဒီဖုန်းကို ရှာဖွေရေးအဖွဲ့က ခြေရာခံစနစ် အသုံးပြုပြီး ၅ နာရီကျော်ကြာ မနည်းရှာဖွေခဲ့ရပါတယ်။
အံ့သြစရာကောင်းတာက ပြန်လည်တွေ့ရှိချိန်မှာ ဖုန်းဟာ ပုံမှန်အတိုင်း အလုပ်လုပ်နေဆဲဖြစ်ကြောင်း ဂင်းနစ်တာဝန်ရှိသူတွေ ကိုယ်တိုင် အတည်ပြုပေးခဲ့ပါတယ်။
ဒီလို မယုံနိုင်စရာ စွမ်းဆောင်ရည်ကြောင့် RHINOSHIELD နဲ့ Sent Into Space ကုမ္ပဏီတို့ဟာ သဘာဝမြေပြင်ပေါ်ကို ဖုန်းကာဗာနဲ့အတူ အမြင့်ဆုံးကနေ ပြုတ်ကျနိုင်ခဲ့တဲ့ ဂင်းနစ်ကမ္ဘာ့စံချိန်သစ်ကို ဂုဏ်ယူစွာနဲ့ ဆွတ်ခူးသွားနိုင်ခဲ့ပြီ ဖြစ်ပါတယ်။
