Amazon တည်ထောင်သူ ဂျက်ဖ်ဘီဇော့စ် လီဗာပူးအသင်းရဲ့ အစုရှယ်ယာကို ဝယ်ယူဖို့ နီးစပ်နေ
<p>Amazon တည်ထောင်သူ ဂျက်ဖ်ဘီဇော့စ်နဲ့ ဖေ့စ်ဘွတ်ခ် ပူးတွဲတည်ထောင်သူ အက်ဒွာဒို ဆာဗာရင်တို့ ပါဝင်တဲ့ ရင်းနှီးမြှုပ်နှံသူအုပ်စုဟာ အင်္ဂလန်</p>
Amazon တည်ထောင်သူ ဂျက်ဖ်ဘီဇော့စ်နဲ့ ဖေ့စ်ဘွတ်ခ် ပူးတွဲတည်ထောင်သူ အက်ဒွာဒို ဆာဗာရင်တို့ ပါဝင်တဲ့ ရင်းနှီးမြှုပ်နှံသူအုပ်စုဟာ အင်္ဂလန် ပရီးမီးယားလိဂ်ကလပ် လီဗာပူးအသင်းရဲ့ အစုရှယ်ယာ သုံးပုံတစ်ပုံခန့်ကို ဝယ်ယူဖို့ နီးစပ်နေပါတယ်။
အဲဒီ အုပ်စုကို စတီးလ်လုပ်ငန်းရှင်ကြီးရဲ့ သမက်ဖြစ်သူ အာမစ်ဘာတီယာက ဦးဆောင်တာဖြစ်ပြီး သဘောတူညီမှုနဲ့ ပတ်သက်လို့ ဒီတစ်ပတ် ဒါမှမဟုတ် နောက်တစ်ပတ်မှာ တရားဝင် ကြေညာနိုင်ဖွယ် ရှိပါတယ်။
ဒီအရောင်းအဝယ်သာ အထမြောက်ခဲ့မယ်ဆိုရင် လီဗာပူးအသင်းရဲ့ တန်ကြေးဟာ ကန်ဒေါ်လာ ၆ ဘီလီယံအထိ ရှိလာမှာဖြစ်လို့ အားကစားလောကမှာ တန်ကြေးအမြင့်ဆုံး သဘောတူညီမှုတွေထဲက တစ်ခုဖြစ်လာမှာပါ။
ကမ္ဘာ့အချမ်းသာဆုံး ပုဂ္ဂိုလ်တွေထဲမှာ ပါဝင်တဲ့ ဘီဇော့စ်ရဲ့ ပိုင်ဆိုင်မှုဟာ ဒေါ်လာ ၂၈၀ ဘီလီယံကျော်ရှိပြီး ဆာဗာရင်ကတော့ ၃၂ ဘီလီယံကျော် ပိုင်ဆိုင်ပါတယ်။ ဒီလုပ်ငန်းစဉ်မှာ ရှယ်ယာ ၃၀ ရာခိုင်နှုန်းကျော် ပါဝင်လာနိုင်တယ်လို့လည်း အတွင်းလူတစ်ဦးက ဆိုပါတယ်။
လီဗာပူးအသင်းကို လက်ရှိ ပိုင်ဆိုင်ထားတဲ့ Fenway Sports Group (FSG) ဟာ ၂၀၁၀ ခုနှစ်မှာ အသင်းကို ပေါင် သန်း ၃၀၀ နဲ့ ဝယ်ယူခဲ့တာဖြစ်လို့ အခုသဘောတူညီမှုက သူတို့ရဲ့ ကြီးမားတဲ့ ဘဏ္ဍာရေးအောင်မြင်မှုကို သက်သေပြနေပါတယ်။
ဘီဇော့စ်အနေနဲ့ အရင်က ဘောလုံးလောကမှာ ရင်းနှီးမြှုပ်နှံဖူးခြင်း မရှိပေမယ့် အခုလို ခြေလှမ်းလာတာကို ကြည့်ရင် အားကစားလောကဟာ ချမ်းသာကြွယ်ဝတဲ့ ရင်းနှီးမြှုပ်နှံသူတွေအတွက် သီးခြားပိုင်ဆိုင်မှုတစ်ခုအနေနဲ့ ရှုမြင်လာကြတာကို ပြသနေပါတယ်။
Ref: skynews
