AI နည်းပညာရဲ့ ဆိုးကျိုးတွေအတွက် အစိုးရတွေ အမြန်ဆုံး ပြင်ဆင်ဖို့ ဘီလ်ဂိတ် တိုက်တွန်း

<p>ဉာဏ်ရည်တု (AI) နည်းပညာ အလျင်အမြန် တိုးတက်လာနေတာကို ရင်ဆိုင်ဖို့ ကမ္ဘာတစ်ဝန်းက အစိုးရတွေဟာ ပြင်ဆင်မှု အားနည်းနေတယ်လို့</p>

ဉာဏ်ရည်တု (AI) နည်းပညာ အလျင်အမြန် တိုးတက်လာနေတာကို ရင်ဆိုင်ဖို့ ကမ္ဘာတစ်ဝန်းက အစိုးရတွေဟာ ပြင်ဆင်မှု အားနည်းနေတယ်လို့ ဘီလ်ဂိတ်က သတိပေးလိုက်ပါတယ်။ ရိုက်တာသတင်းဌာနနဲ့ အင်တာဗျူးမှာ အစိုးရတွေဟာ AI နည်းပညာရဲ့ နောက်မှာ အများကြီး ကျန်ရစ်နေပြီး အလုပ်အကိုင် ပျောက်ဆုံးမှုတွေ၊ ဆိုက်ဘာလုံခြုံရေး အန္တရာယ်တွေနဲ့ ပတ်သက်လို့ ပိုမိုလုပ်ဆောင်ဖို့ လိုအပ်နေကြောင်း ပြောကြားခဲ့ပါတယ်။

AI နည်းပညာကို ကျန်းမာရေး၊ ပညာရေးနဲ့ စိုက်ပျိုးရေး ကဏ္ဍတွေမှာ ပိုမိုအသုံးပြုနိုင်ဖို့အတွက် Gates Foundation ကနေ လာမယ့် နှစ်နှစ်အတွင်း ဒေါ်လာ ၁ ဘီလီယံ ရင်းနှီးမြှုပ်နှံသွားမယ်လို့ ကြေညာခဲ့ပါတယ်။ အဲဒီ အစီအစဉ်ဟာ နည်းပညာ အလှမ်းဝေးတဲ့ ဖွံ့ဖြိုးဆဲ နိုင်ငံတွေက ကျန်းမာရေးဝန်ထမ်းတွေ၊ ဆရာ ဆရာမတွေနဲ့ တောင်သူတွေအတွက် AI ကိရိယာတွေကို ထောက်ပံ့ပေးသွားမှာဖြစ်ပြီး ဘာသာစကား ပိုမိုစုံလင်စွာ အသုံးပြုနိုင်အောင်လည်း ကူညီပေးသွားမှာ ဖြစ်ပါတယ်။

ဘီလ်ဂိတ်က AI နည်းပညာ ဖွံ့ဖြိုးတိုးတက်မှုကို ရပ်တန့်ပစ်ဖို့ တောင်းဆိုနေတာ မဟုတ်ဘဲ အစိုးရတွေ အနေနဲ့ နည်းပညာနဲ့ အမီလိုက်နိုင်အောင် ကြိုးစားပြီး အကျိုးကျေးဇူးတွေရော ဆိုးကျိုးတွေအတွက်ပါ ပြင်ဆင်ထားဖို့ တိုက်တွန်းနေတာ ဖြစ်ပါတယ်။ သူဟာ ကမ္ဘာ့ခေါင်းဆောင်တွေနဲ့ ဆွေးနွေးမှုတွေ ပြုလုပ်နေပြီး အမေရိကန်သမ္မတ ဒေါ်နယ်ထရမ့်နဲ့ ဆွေးနွေးခဲ့သလို တရုတ်သမ္မတ ရှီကျင့်ဖျင်နဲ့လည်း တွေ့ဆုံသွားဖို့ ရှိပါတယ်။

Ref : Technology Innovation