တရုတ်မှာ လူတူစက်ရုပ်တွေကို စက်ရုပ်တွေက ပြန်ထုတ်လုပ်နေပြီ

<p>စက်ရုပ်တွေက စက်ရုပ်တွေကို ပြန်ထုတ်လုပ်နေပြီဆိုတဲ့ သိပ္ပံရုပ်ရှင်တွေထဲက ဇာတ်လမ်းတွေ တကယ်ဖြစ်လာပါပြီ။ တရုတ်လျှပ်စစ်ကားထုတ်လုပ်သူ XPENG ဟာ ဂွမ်ကျိုးမြို့မှာရှိတဲ့</p>

စက်ရုပ်တွေက စက်ရုပ်တွေကို ပြန်ထုတ်လုပ်နေပြီဆိုတဲ့ သိပ္ပံရုပ်ရှင်တွေထဲက ဇာတ်လမ်းတွေ တကယ်ဖြစ်လာပါပြီ။ တရုတ်လျှပ်စစ်ကားထုတ်လုပ်သူ XPENG ဟာ ဂွမ်ကျိုးမြို့မှာရှိတဲ့ အလိုအလျောက်စက်ရုံသစ်ကြီးမှာ IRON လို့အမည်ရတဲ့ လူတူစက်ရုပ်တွေကို စတင်ထုတ်လုပ်နေပြီ ဖြစ်ပါတယ်။ ဒီစက်ရုံရဲ့ အဓိကလုပ်ငန်းစဉ် ၈၀ ရာခိုင်နှုန်းကျော်ကို လူသားတွေမပါဝင်ဘဲ အလိုအလျောက်စနစ်နဲ့ လည်ပတ်နေတာဖြစ်ပြီး အဆင့်မြင့်လူတူစက်ရုပ်တွေအတွက် ကမ္ဘာ့ပထမဆုံး အလိုအလျောက်ထုတ်လုပ်မှုလိုင်းလို့ ကုမ္ပဏီဘက်က ဂုဏ်ယူစွာ ပြောဆိုထားပါတယ်။ အံ့သြစရာအကောင်းဆုံးကတော့ ပထမဆုံးထုတ်လုပ်လိုက်တဲ့ IRON စက်ရုပ်ဟာ တပ်ဆင်ပြီးတာနဲ့ ထုတ်လုပ်မှုလိုင်းပေါ်ကနေ သူ့ဘာသာလမ်းလျှောက်ထွက်လာတာကို မြင်တွေ့ခဲ့ရတာပဲ ဖြစ်ပါတယ်။

အရပ် ၁၇၃ စင်တီမီတာနဲ့ အလေးချိန် ၆၅ ကီလိုဂရမ်ရှိတဲ့ IRON စက်ရုပ်မှာ ရှုပ်ထွေးတဲ့လှုပ်ရှားမှုတွေလုပ်ဆောင်ဖို့နဲ့ ပစ္စည်းတွေကို သေသေချာချာ ကိုင်တွယ်နိုင်ဖို့ လက်တစ်ဖက်စီမှာ ၂၁ မျိုးအပါအဝင် လွတ်လပ်စွာလှုပ်ရှားနိုင်မှု (degrees of freedom) ၇၆ မျိုးအထိ ပါဝင်ပါတယ်။ XPENG ဟာ ဒီစက်ရုပ်တွေကို ၂၀၂၆ ခုနှစ်အကုန်မှာ အမြောက်အမြားစတင်ထုတ်လုပ်ဖို့ စီစဉ်ထားပါတယ်။ ၂၀၂၇ ခုနှစ်မှာတော့ ပြည်တွင်းနဲ့ နိုင်ငံတကာဈေးကွက်တွေကို မရောင်းချခင် ကုမ္ပဏီရဲ့ ကိုယ်ပိုင်စတိုးဆိုင်တွေနဲ့ လုပ်ငန်းခွင်တွေမှာ အရင်ဆုံး စမ်းသပ်အသုံးပြုသွားမှာ ဖြစ်ပါတယ်။

ပြီးခဲ့တဲ့ ဩဂုတ်လအတွင်းမှာတင် XPENG ရဲ့ စက်ရုပ်လုပ်ငန်းဟာ ရန်ပုံငွေ ဒေါ်လာ သန်း ၉၀၀ ကျော်ရရှိခဲ့တာကြောင့် ကုမ္ပဏီရဲ့ တန်ဖိုးဟာ ဒေါ်လာ ၆ ဒသမ ၃ ဘီလီယံကျော်အထိ မြင့်တက်လာခဲ့ပါတယ်။ အဲဒီ XPENG စက်ရုံသစ်ကြီးဟာ နည်းပညာကုမ္ပဏီတွေအနေနဲ့ လူတူစက်ရုပ်တွေကို စမ်းသပ်အဆင့်ကနေ နေ့စဉ်သုံးဖို့အတွက် အကြီးစားထုတ်လုပ်မှုဆီ ဘယ်လိုအရှိန်အဟုန်နဲ့ ကူးပြောင်းနေကြပြီလဲဆိုတာကို သိသိသာသာ ပြသလိုက်တာပဲ ဖြစ်ပါတယ်။

Ref : Technology Innovation