EV ကားတွေကို အားသွင်းပေးပြီး တာယာလေထိုးပေးမယ့် BYD ရဲ့ စက်ရုပ်

<p>တရုတ်ကားကုမ္ပဏီကြီး BYD က ကားပိုင်ရှင်တွေ ထိုင်ရာက ထစရာမလိုဘဲ EV ကားတွေကို အားသွင်းပေးနိုင်သလို တာယာလေပါ</p>

တရုတ်ကားကုမ္ပဏီကြီး BYD က ကားပိုင်ရှင်တွေ ထိုင်ရာက ထစရာမလိုဘဲ EV ကားတွေကို အားသွင်းပေးနိုင်သလို တာယာလေပါ ထိုးပေးမယ့် “စက်ရုပ်” တစ်ရုပ်အတွက် ၂၀၂၆ ခုနှစ်၊ မတ်လ ၂၄ ရက်မှာ မူပိုင်ခွင့် လျှောက်ထားလိုက်ပါတယ်။ ဒီစက်ရုပ်ရဲ့ အမိုက်ဆုံးအချက်ကတော့ ကားကို ဘာမှ ပြင်ဆင်စရာမလိုဘဲ လက်ရှိပါတဲ့ အားသွင်းပေါက်တွေနဲ့တင် အလုပ်လုပ်နိုင်တာဖြစ်လို့ ကားပိုင်ရှင်တွေအတွက် အပိုအလုပ် မရှုပ်တော့ပါဘူး။

ဒီစက်ရုပ်ဟာ ကားပါကင်ထဲမှာရှိတဲ့ ကားတွေကို လိုက်ပြီး စကန်ဖတ်မှာဖြစ်ပြီး ဘယ်ကားကတော့ ဘက်ထရီအားသွင်းဖို့ လိုနေပြီ၊ ဘယ်ကားကတော့ တာယာလေလျော့နေပြီလဲဆိုတာကို သူ့အလိုလို သိနေမှာပါ။ အချက်အလက်တွေကို ဖတ်ပြီးတာနဲ့ လိုအပ်တဲ့ အလုပ်တွေကို စက်ရုပ်လက်တံတွေနဲ့ တိတိကျကျ လုပ်ဆောင်ပေးမှာ ဖြစ်ပါတယ်။ ဒါကြောင့် ကားပိုင်ရှင်တွေအနေနဲ့ ကားရပ်ထားခဲ့ရုံနဲ့တင် စက်ရုပ်က အစအဆုံး အလိုအလျောက် ပြုပြင်ပေးသွားမှာ ဖြစ်ပါတယ်။

တရုတ်နိုင်ငံရဲ့ ဒေါ်လာ ၅၈ သန်းတန် စက်ရုပ်သုံး အားသွင်းဈေးကွက်ထဲကို BYD က ဒီနည်းပညာနဲ့ အားကောင်းကောင်း ဝင်ရောက်လာတာပါ။ ပြိုင်ဘက်ကုမ္ပဏီတွေဖြစ်တဲ့ Li Auto နဲ့ CGXi တို့ကလည်း အားအမြန်သွင်းစနစ်တွေနဲ့ လိုက်ပါလာကြတာကြောင့် အနာဂတ်မှာ ကားပါကင်ထိုးပြီးတာနဲ့ စက်ရုပ်တွေက အားသွင်းပေးတဲ့ မြင်ကွင်းတွေကို မြင်တွေ့ရတော့မှာ ဖြစ်ပါတယ်။

Ref : Fossbytes