ထရီလီယံနာ ကနေ ဘီလီယံနာ ဖြစ်သွားတဲ့ အီလွန်မက်စ်

<p>ဇွန်လတုန်းကမှ ကမ္ဘာ့သမိုင်းမှာ ပထမဆုံး ထရီလီယံနာအဖြစ် စံချိန်တင်နိုင်ခဲ့တဲ့ အီလွန်မက်စ်ရဲ့ ကြွယ်ဝမှုဟာ နှစ်လမပြည့်မီအချိန်မှာပဲ ဘီလီယံနာအဆင့်သို့ ပြန်လည်ကျဆင်းသွားခဲ့ပါတယ်။</p>

ဇွန်လတုန်းကမှ ကမ္ဘာ့သမိုင်းမှာ ပထမဆုံး ထရီလီယံနာအဖြစ် စံချိန်တင်နိုင်ခဲ့တဲ့ အီလွန်မက်စ်ရဲ့ ကြွယ်ဝမှုဟာ နှစ်လမပြည့်မီအချိန်မှာပဲ ဘီလီယံနာအဆင့်သို့ ပြန်လည်ကျဆင်းသွားခဲ့ပါတယ်။ ဇွန်လ ၁၂ ရက်နေ့မှာ SpaceX ကုမ္ပဏီဟာ Nasdaq စတော့အိတ်ချိန်းမှာ တစ်ရှယ်ယာကို ဒေါ်လာ ၁၅၀ နဲ့ စတင်အရောင်းအဝယ်ဖြစ်ခဲ့ပြီး ကုမ္ပဏီရဲ့တန်ဖိုးဟာ ဒေါ်လာ ၂ ထရီလီယံနီးပါးအထိ မြှင့်တက်ခဲ့တာကြောင့် Forbes မဂ္ဂဇင်းက မက်စ်ရဲ့ ပိုင်ဆိုင်မှုကို ဒေါ်လာ ၁.၁ ထရီလီယံအဖြစ် သတ်မှတ်ခဲ့တာ ဖြစ်ပါတယ်။

အဲဒီနောက် ဇွန်လ ၁၆ ရက်နေ့မှာတော့ မက်စ်ရဲ့ကြွယ်ဝမှုဟာ ဒေါ်လာ ၁.၄၅ ထရီလီယံအထိ စံချိန်တင် အမြင့်ဆုံး ရောက်ရှိခဲ့ပါတယ်။ ဒါပေမဲ့ SpaceX ရှယ်ယာဈေးနှုန်းတွေ ပြင်းထန်စွာ ပြန်ကျသွားခဲ့တာကြောင့် ဇူလိုင်လ ၂၇ ရက်နေ့အရောက်မှာတော့ သူရဲ့ကြွယ်ဝမှုဟာ ဒေါ်လာ ၆၉၅.၇ ဘီလီယံအထိ ထက်ဝက်နီးပါး လျော့ကျသွားခဲ့ပါတယ်။ Forbes ရဲ့ နောက်ဆုံး စတော့ဈေးနှုန်းအပြောင်းအလဲထုတ်ပြန်ချက်အရ မက်စ်ရဲ့ ကြွယ်ဝမှုဟာ ဒေါ်လာ ၇၁၅.၆ ဘီလီယံဝန်းကျင်မှာ ရှိနေပြီး Tesla နဲ့ SpaceX ကုမ္ပဏီတွေရဲ့ စတော့ဈေးနှုန်းအပေါ် မူတည်ပြီး ဆက်လက်လှုပ်ခတ်နေပေမယ့် သူဟာ ကမ္ဘာ့အချမ်းသာဆုံးပုဂ္ဂိုလ်အဖြစ် ဆက်လက်ရပ်တည်နေဆဲ ဖြစ်ပါတယ်။

အခုလို ဒေါ်လာ ဘီလီယံရာဂဏန်းပေါင်းများစွာ ရိုလာကိုစတာစီးသလို ထိခိုက်လှုပ်ခတ်သွားရတာဟာ မက်စ်ရဲ့ ကြွယ်ဝမှု အများစုဟာ ဘဏ်အကောင့်ထဲက ငွေသားတွေမဟုတ်ဘဲ SpaceX နဲ့ Tesla တို့လို စတော့ရှယ်ယာ တန်ဖိုးဖြတ်မှုတွေပေါ်မှာ အဓိက မှီတည်နေတာကြောင့် ဖြစ်ပါတယ်။

Ref : Technology Innovation