SpaceX စတော့တွေ ထိုးတက်လာတဲ့အတွက် အီလွန်မတ်စ်ခ် ဒုတိယအကြိမ် ထရီလီယံနာ ထပ်ဖြစ်
<p>SpaceX ကုမ္ပဏီရဲ့ စတော့ရှယ်ယာဈေးနှုန်းတွေ ဒုံးပျံလို ပြန်လည်ထိုးတက်သွားခဲ့တာကြောင့် Tesla စီအီးအို Elon Musk ဟာ</p>
SpaceX ကုမ္ပဏီရဲ့ စတော့ရှယ်ယာဈေးနှုန်းတွေ ဒုံးပျံလို ပြန်လည်ထိုးတက်သွားခဲ့တာကြောင့် Tesla စီအီးအို Elon Musk ဟာ ဒုတိယအကြိမ် ကမ္ဘာ့တစ်ဦးတည်းသော ထရီလီယံနာ (Trillionaire) အဖြစ် စံချိန်သစ်တင် ပြန်လည်ရောက်ရှိသွားခဲ့ပါတယ်။ ပြီးခဲ့တဲ့ ဇွန်လအတွင်းက ပြုလုပ်ခဲ့တဲ့ SpaceX ရဲ့ သမိုင်းဝင် အများပိုင်စတော့ထုတ်ရောင်းချမှု (IPO) အပြီးမှာ မတ်စ်ခ်ဟာ ၁၃ ဂဏန်း ပိုင်ဆိုင်မှုပမာဏအထိ ရောက်ရှိခဲ့တဲ့ ပထမဆုံးပုဂ္ဂိုလ် ဖြစ်လာခဲ့တာပါ။ အဲဒီအချိန်က စတော့ဈေးနှုန်းများ ပြန်လည်ကျဆင်းသွားခဲ့တာကြောင့် ပိုင်ဆိုင်မှု ခေတ္တလျော့နည်းခဲ့ပေမယ့် အခုအခါမှာတော့ စတော့ဈေး စံချိန်တင် ပြန်တက်လာခဲ့တာဖြစ်ပါတယ်။
ဩဂုတ်လဆန်းပိုင်းကတည်းက တဖြည်းဖြည်း မြင့်တက်လာခဲ့တဲ့ ဒုံးပျံနဲ့ AI နည်းပညာ ကုမ္ပဏီကြီး SpaceX ရဲ့ စတော့ဈေးနှုန်းဟာ တနင်္လာနေ့ စျေးကွက်ပိတ်ချိန်မှာ ၁၇၁.၀၉ ဒေါ်လာအထိ ရောက်ရှိသွားခဲ့ပါတယ်။ တနင်္လာနေ့တစ်ရက်တည်းမှာတင် ၈ ရာခိုင်နှုန်းနီးပါး စတော့ဈေး ထပ်မံမြင့်တက်သွားခဲ့တာကြောင့် Forbes ရဲ့ ခန့်မှန်းတွက်ချက်မှုအရ မတ်စ်ခ်ရဲ့ နက်ဝေါ့သ် (Net Worth) ပိုင်ဆိုင်မှုဟာ ဒေါ်လာ ၁.၀၄၆ ထရီလီယံအထိ ပြန်လည်ရောက်ရှိသွားခဲ့တာဖြစ်ပါတယ်။ ဇွန်လ ၁၆ ရက်နေ့တုန်းကတော့ သူ့ရဲ့ ပိုင်ဆိုင်မှုဟာ ဒေါ်လာ ၁.၃၂ ထရီလီယံအထိ စံချိန်တင် မြင့်တက်ခဲ့ဖူးတာဖြစ်ပါတယ်။
မတ်စ်ခ်ရဲ့ ချမ်းသာကြွယ်ဝမှုဟာ SpaceX နဲ့ Tesla ကုမ္ပဏီတို့ရဲ့ စတော့ရှယ်ယာများပေါ်မှာ အဓိက မှီတည်နေတာကြောင့် အဆိုပါကုမ္ပဏီတွေရဲ့ စီးပွားရေးအောင်မြင်မှုနဲ့ တိုက်ရိုက်ဆက်စပ်နေတာပါ။ ယခုအခါ SpaceX စတော့ဈေးနှုန်းဟာ ဇွန်လနောက်ပိုင်း အမြင့်ဆုံးအဆင့်သို့ ပြန်လည်ရောက်ရှိလာခဲ့ပြီး ကမ္ဘာ့ဒုတိယနဲ့ တတိယ အချမ်းသာဆုံးပုဂ္ဂိုလ်များဖြစ်ကြတဲ့ Amazon ပူးတွဲတည်ထောင်သူ Jeff Bezos (ဒေါ်လာ ၃၇၁ ဘီလီယံ) နဲ့ Google ပူးတွဲတည်ထောင်သူ Larry Page (ဒေါ်လာ ၂၈၄ ဘီလီယံ) တို့ထက် ပိုင်ဆိုင်မှုပမာဏ မိုင်ပေါင်းများစွာ သာလွန်ဖြတ်ကျော်လျက်ရှိပါတယ်။
Ref : Business Insider
