Google က Gemini AI assistant အတွက် Call for Me လို့ခေါ်တဲ့ feature အသစ်တစ်ခုကို ထုတ်ပြန်လိုက်ပါတယ်။ ဒီ feature ရဲ့ အလုပ်လုပ်ပုံကတော့ နာမည်အတိုင်းပါပဲ၊ user တွေအနေနဲ့ ဆိုင်တွေ၊ ဝန်ဆောင်မှုပေးသူတွေကို ကိုယ်တိုင်ဖုန်းခေါ်ဖို့ မလိုတော့ဘဲ Gemini AI ကို အလုပ်ကို ကိုယ်စားလုပ်ပေးဖို့ တာဝန်ပေးနိုင်တော့မှာ ဖြစ်ပါတယ်။
Call for Me ကို အသုံးပြုချင်ရင် user က ဘယ်လိုအချက်အလက်တွေ ရှာဖွေချင်တယ်၊ ဘယ်ဆိုင်ကို ခေါ်စေချင်တယ်ဆိုတာ Gemini ကို ပြောပြရုံပါပဲ။ ပြီးရင် AI က အဲဒီဆိုင်ကို တကယ့်ဖုန်းအသံနဲ့ ခေါ်ပြီး၊ ဆိုင်ဖွင့်ချိန်၊ စျေးနှုန်း၊ ရရှိနိုင်မှု စတာတွေကို စုံစမ်းမေးမြန်းပေးတာ ဖြစ်ပါတယ်။ ခေါ်ဆိုမှု ပြီးသွားရင် ရလာတဲ့ အချက်အလက်တွေကို summary အနေနဲ့ user ကို ပြန်ပြသပေးမှာဖြစ်ပြီး၊ ဒီလုပ်ငန်းစဉ်တစ်ခုလုံးကို AI voice ကနေ သဘာဝကျကျ ပြောဆိုပေးနိုင်တာကလည်း အထူးအဆန်းတစ်ခု ဖြစ်ပါတယ်။
Call, Text နဲ့ Chat စတဲ့ ပုံစံများစွာဖြင့် daily task တွေကို လုပ်ပေးနိုင်တဲ့ AI assistant များ ကမ္ဘာတစ်ဝှမ်းမှာ ပိုမိုရေပန်းစားလာနေပါတယ်။ မြန်မာနိုင်ငံမှာလည်း AI chatbot တွေကို အသုံးပြုသူဦးရေ တစ်စထက်တစ်စ တိုးများလာနေတာနဲ့အမျှ၊ ဒီလို practical ဖြစ်တဲ့ AI feature အသစ်တွေကို စိတ်ဝင်စားသူ များလာနိုင်ပါတယ်။ လက်ရှိ feature ကို US မှာ စတင်ထွက်ရှိနေပြီး၊ နောင်တွင် တစ်ဖြည်းဖြည်း တခြားနိုင်ငံများသို့ ချဲ့ထွင်ပေးနိုင်ဖွယ်ရှိပါတယ်။
