အမြင်အာရုံချို့ယွင်းနေတဲ့ အမေရိကန် စစ်မှုထမ်းဟောင်း ၁ သိန်း ၃ သောင်းကျော်ကို Meta က AI စမတ်မျက်မှန်တွေ အခမဲ့ ပေးအပ်

<p>Meta ကုမ္ပဏီဟာ အမေရိကန်နိုင်ငံမှာ ရှိတဲ့ အမြင်အာရုံ ချို့ယွင်းနေတဲ့ စစ်မှုထမ်းဟောင်း ၁ သိန်း ၃</p>

Meta ကုမ္ပဏီဟာ အမေရိကန်နိုင်ငံမှာ ရှိတဲ့ အမြင်အာရုံ ချို့ယွင်းနေတဲ့ စစ်မှုထမ်းဟောင်း ၁ သိန်း ၃ သောင်းကျော်အတွက် တန်ဖိုးရှိတဲ့ Ray-Ban Meta AI စမတ်မျက်မှန်တွေကို အခမဲ့ ထောက်ပံ့ပေးသွားမှာ ဖြစ်ပါတယ်၊၊ အဲဒီအစီအစဉ်ဟာ စစ်မှုထမ်းဟောင်းတွေရဲ့ နေ့စဉ်လူနေမှုဘဝကို ကိုယ့်အားကိုယ်ကိုးပြီး အဆင်ပြေစေဖို့ ရည်ရွယ်တာ ဖြစ်ပါတယ်၊၊

အဲဒီ AI စမတ်မျက်မှန်တွေမှာ ကင်မရာနဲ့ အသံနဲ့ ခိုင်းစေနိုင်တဲ့ စနစ်တွေ ပါဝင်တာကြောင့် စာဖတ်ပြတာ၊ အရာဝတ္ထုတွေကို ခွဲခြားပြတာနဲ့ ပတ်ဝန်းကျင် အခြေအနေတွေကို ဖော်ပြပေးတာတွေကို လုပ်ဆောင်ပေးနိုင်ပါတယ်၊၊ ဒါ့အပြင် တပ်ဆင်ထားသူ မြင်တွေ့ရတဲ့ အရာတွေနဲ့ ပတ်သက်ပြီး မေးခွန်းမေးရင်လည်း ပြန်လည်ဖြေကြားပေးနိုင်တာကြောင့် နေ့စဉ်လုပ်ငန်းဆောင်တာတွေကို လွယ်ကူစွာ လုပ်ဆောင်နိုင်မှာ ဖြစ်ပါတယ်၊၊

အဲဒီအစီအစဉ်ဟာ ပင်လယ်ကွေ့စစ်ပွဲအတွင်း အမြင်အာရုံ ဆုံးရှုံးခဲ့ရတဲ့ အမေရိကန် စစ်မှုထမ်းဟောင်း Don Overton ရဲ့ အတွေ့အကြုံကနေ စတင်ခဲ့တာ ဖြစ်ပါတယ်၊၊ သူဟာ အဲဒီမျက်မှန်ရပြီးနောက်မှာ နှစ်ပေါင်းများစွာ မလုပ်နိုင်ခဲ့တဲ့ အလုပ်တွေကို လုပ်နိုင်လာခဲ့ပါတယ်။ စစ်မှုထမ်းဟောင်းတွေအနေနဲ့ အဲဒီမျက်မှန်တွေကို အခမဲ့ ရရှိမှာ ဖြစ်ပြီး Blinded Veterans Association နဲ့ အခြား အကူအညီပေးရေး အဖွဲ့အစည်းတွေကနေတစ်ဆင့် အသုံးပြုနည်း သင်တန်းနဲ့ လိုအပ်တဲ့ အကူအညီတွေကိုလည်း ဆက်လက် ရရှိသွားမှာ ဖြစ်ပါတယ်၊၊

Ref : Technology Innovation