အိုင်းစတိုင်းရဲ့ ဆွဲငင်အားသီအိုရီကို ထပ်မံအတည်ပြုနိုင်တဲ့ ကွမ်တမ်စမ်းသပ်မှုအသစ် ထွက်ပေါ်
<p>သိပ္ပံပညာရှင်တွေဟာ ကွမ်တမ်အရာဝတ္ထုပေါ်မှာ သက်ရောက်တဲ့ ဆွဲငင်အားကို ပထမဆုံးအကြိမ် လေ့လာတွေ့ရှိခဲ့ပါတယ်။ အဲဒီစမ်းသပ်မှုက အိုင်းစတိုင်းရဲ့ ဆွဲငင်အားသီအိုရီပါ အရေးကြီးတဲ့</p>
သိပ္ပံပညာရှင်တွေဟာ ကွမ်တမ်အရာဝတ္ထုပေါ်မှာ သက်ရောက်တဲ့ ဆွဲငင်အားကို ပထမဆုံးအကြိမ် လေ့လာတွေ့ရှိခဲ့ပါတယ်။ အဲဒီစမ်းသပ်မှုက အိုင်းစတိုင်းရဲ့ ဆွဲငင်အားသီအိုရီပါ အရေးကြီးတဲ့ အခြေခံသဘောတရားကို အတည်ပြုပေးလိုက်တာ ဖြစ်ပါတယ်။
သုတေသီတွေက Quantum Galileo Interferometer စမ်းသပ်မှုမှာ အလွန်အေးတဲ့ ရူဘီဒီယမ်အက်တမ်တွေကို အသုံးပြုခဲ့ပါတယ်။ အက်တမ်တွေကို လမ်းကြောင်းနှစ်ခုခွဲကာ တစ်ခုကို ရပ်တန့်ထားပြီး အခြားတစ်ခုကို ကမ္ဘာ့ဆွဲငင်အားအောက်မှာ လွတ်လပ်စွာ ကျဆင်းစေခဲ့ပါတယ်။ အဲဒီလမ်းကြောင်းတွေကို ပြန်လည်ပေါင်းစပ်လိုက်တဲ့အခါ အိုင်းစတိုင်းရဲ့ ခန့်မှန်းချက်တွေနဲ့ ကိုက်ညီတဲ့ အပြောင်းအလဲငယ်လေးကို တိုင်းတာရရှိခဲ့ပါတယ်။
ကွမ်တမ်မက္ကင်းနစ်နဲ့ ဆွဲငင်အားတို့ဟာ မတူညီတဲ့ နည်းလမ်းတွေနဲ့ အလုပ်လုပ်တဲ့အတွက် အဲဒီလေ့လာတွေ့ရှိမှုက အလွန်အရေးကြီးပါတယ်။ ဆွဲငင်အားကိုယ်တိုင်က ကွမ်တမ်ဖြစ်တယ်ဆိုတာကို သက်သေမပြနိုင်သေးပေမယ့် အနာဂတ်မှာ ကွမ်တမ်ရူပဗေဒနဲ့ ဆွဲငင်အားအကြား ဆက်စပ်မှုကို လေ့လာဖို့ နာနိုဒိုင်းမွန်းတွေလို ပိုမိုလေးလံတဲ့ ကွမ်တမ်အရာဝတ္ထုတွေကို ဆက်လက် အသုံးပြုသွားနိုင်မယ့် အခြေအနေရှိတယ်လို့ သုတေသီတွေက ပြောကြားထားပါတယ်။
Ref : Technology Innovation
