Elon Musk ရဲ့ SpaceX ကုမ္ပဏီက ဒေါ်လာ ၁၀၀ ဘီလီယံသုံးပြီး အကြီးမားဆုံး အာကာသစခန်း တည်ဆောက်မည်
<p>SpaceX ကုမ္ပဏီက လူဝီစီယားနားပြည်နယ်၊ ပီကန်ကျွန်းအနီးမှာ ဒေါ်လာ ဘီလီယံ ၁၀၀ ရင်းနှီးမြှုပ်နှံပြီး Starbase စခန်းသစ်ကြီးတစ်ခုကို</p>
SpaceX ကုမ္ပဏီက လူဝီစီယားနားပြည်နယ်၊ ပီကန်ကျွန်းအနီးမှာ ဒေါ်လာ ဘီလီယံ ၁၀၀ ရင်းနှီးမြှုပ်နှံပြီး Starbase စခန်းသစ်ကြီးတစ်ခုကို တည်ဆောက်ဖို့ စီစဉ်နေပါတယ်။ အဲဒီစီမံကိန်း နေရာဟာ ဧက ၁၂၅,၀၀၀ ကျယ်ဝန်းပြီး မန်ဟက်တန်မြို့ထက် ၈ ဆလောက် ပိုမိုကြီးမားပါတယ်။
အဲဒီအာကာသစခန်းမှာ ဒုံးပျံ လွှတ်တင်စင် ၁၀ ခုအပြင် Starship ဒုံးပျံတွေ တည်ဆောက်ဖို့နဲ့ လောင်စာထုတ်လုပ်ဖို့ စက်ရုံတွေလည်း ပါဝင်မှာ ဖြစ်ပါတယ်။ ၂၀၂၇ ခုနှစ်မှာ စတင်တည်ဆောက်ပြီး ၂၀၂၉ ခုနှစ်မှာ ပထမဆုံး လွှတ်တင်ဖို့ ရည်မှန်းထားကာ အလုပ်အကိုင်ပေါင်း ၁၁,၁၀၀ ကျော် ဖန်တီးပေးနိုင်မှာ ဖြစ်ပါတယ်။
မက္ကဆီကိုပင်လယ်ကွေ့နဲ့ နီးကပ်တာ၊ မြေနေရာကျယ်ဝန်းတာနဲ့ သဘာဝဓာတ်ငွေ့ အခြေခံအဆောက်အအုံတွေ ရှိနေတာကြောင့် SpaceX က အခုနေရာကို ရွေးချယ်ခဲ့တာ ဖြစ်ပါတယ်။ ဒါပေမဲ့ ရွေးချယ်ထားတဲ့ နေရာအများစုဟာ ကမ်းရိုးတန်းစိမ့်မြေတွေ ဖြစ်နေတဲ့အတွက် သဘာဝပတ်ဝန်းကျင် ထိခိုက်မယ့် အခြေအနေတွေကိုတော့ ပတ်ဝန်းကျင်ထိန်းသိမ်းရေးအဖွဲ့တွေနဲ့ ဒေသခံတွေရဲ့ စိုးရိမ်မှုတွေ ထွက်ပေါ်နေပါတယ်။
