OpenAI အမှုဆောင်အရာရှိချုပ် Sam Altman ရဲ့ အိမ်ကို မီးလောင်ဗုံးနဲ့ ပစ်ပေါက်ခဲ့တဲ့ သံသယရှိသူကို ဖမ်းဆီးရမိ
<p>OpenAI ရဲ့ အမှုဆောင်အရာရှိချုပ် Sam Altman ရဲ့ ဆန်ဖရန်စစ္စကိုက နေအိမ်ကို မီးလောင်ဗုံးနဲ့ ပစ်ပေါက်ခဲ့ပြီး</p>
OpenAI ရဲ့ အမှုဆောင်အရာရှိချုပ် Sam Altman ရဲ့ ဆန်ဖရန်စစ္စကိုက နေအိမ်ကို မီးလောင်ဗုံးနဲ့ ပစ်ပေါက်ခဲ့ပြီး ကုမ္ပဏီဌာနချုပ်ရှေ့မှာ ခြိမ်းခြောက်မှုတွေ လုပ်ခဲ့တဲ့ အသက် ၂၀ အရွယ် အမျိုးသားတစ်ယောက်ကို ရဲတပ်ဖွဲ့က ဖမ်းဆီးလိုက်ပါတယ်။
အဲဒီလူဟာ မနက်အစောပိုင်းမှာ Sam Altman ရဲ့ အိမ်ကို မီးလောင်စေတဲ့ ပစ္စည်းတစ်ခုနဲ့ ပစ်ပေါက်ပြီး ထွက်ပြေးသွားခဲ့တာ ဖြစ်ပါတယ်။ အဲဒီနောက် တခြားအဆောက်အအုံတစ်ခုကို မီးရှို့မယ်လို့ ခြိမ်းခြောက်နေကြောင်း သတင်းရတာကြောင့် ရဲတပ်ဖွဲ့က တစ်နာရီအတွင်းမှာပဲ ဖမ်းဆီးနိုင်ခဲ့တာပါ။
ဒီဖြစ်စဉ်အတွင်း လူတစ်စုံတစ်ယောက်မှ ထိခိုက်ဒဏ်ရာရတာမျိုး မရှိခဲ့ဘူးလို့ OpenAI ဘက်က ပြောပါတယ်။ အခုလက်ရှိမှာတော့ ကုမ္ပဏီအနေနဲ့ စုံစမ်းစစ်ဆေးရေးလုပ်ငန်းတွေမှာ ရဲတပ်ဖွဲ့ကို ကူညီပေးနေပါတယ်။ AI နည်းပညာကို စစ်ရေးဘက်မှာ အသုံးပြုဖို့ အစိုးရနဲ့ သဘောတူညီချက်ယူခဲ့တဲ့ ကိစ္စတွေကြောင့် OpenAI ဟာ ဖိအားတွေနဲ့ ဝေဖန်မှုတွေ ပြင်းပြင်းထန်ထန် ရင်ဆိုင်နေရတဲ့ အချိန်မှာပဲ ဒီဖြစ်ရပ် ဖြစ်ပွားခဲ့တာပါ။
Sam Altman ကတော့ ဒီဖြစ်ရပ်နဲ့ ပတ်သက်ပြီး သူ့ရဲ့ ဘလော့ဂ်မှာ ရေးသားခဲ့ရာမှာ နည်းပညာအပေါ် စိုးရိမ်ပူပန်မှုတွေကြောင့် ဝေဖန်တာတွေကို နားလည်ပေမဲ့ အခုလို အကြမ်းဖက်တဲ့ နည်းလမ်းတွေကိုတော့ လျှော့ချသင့်တယ်လို့ ပြောခဲ့ပါတယ်။ နည်းပညာနဲ့ ပတ်သက်တဲ့ အငြင်းပွားမှုတွေ ရှိနေနိုင်ပေမဲ့ တကယ်တမ်းမှာရော ခံစားချက်အနေနဲ့ပါ ပေါက်ကွဲမှုတွေ နည်းနိုင်သမျှ နည်းအောင် ကြိုးစားသင့်တယ်လို့ သူက ဆိုထားပါတယ်။
Ref: Reuters
